Azov dənizində həlak olan azərbaycanlıların nəşləri Vətənə gətirildi
saida
Azov dənizində gəmilərə hücum nəticəsində həlak olan Azərbaycan vətəndaşlarının nəşləri ölkəyə gətirilib.
Bu barədə Azərbaycan Xarici İşlər Nazirliyi məlumat yayıb.
Məlumata görə, iyunun 10-da Azov dənizində yük gəmilərinə pilotsuz uçuş aparatı ilə edilən hücum nəticəsində həlak olan dörd Azərbaycan vətəndaşının nəşi Azərbaycana gətirilib.
XİN-dən bildirilib:
Faciə nəticəsində həlak olan soydaşlarımızın ailələrinə və yaxınlarına dərin hüznlə başsağlığı veririk.
Daha əvvəl bildirilmişdi ki, iyunun 5-də Azov dənizində pilotsuz uçuş aparatlarının hücumlarına məruz qalan gəmilərin ekipaj üzvləri olan 19 Azərbaycan vətəndaşı Vətənə yola salınıb.
