Sumqayıtda işdən çıxarılan baş memarın yerinə bu şəxs təyin edildi-FOTO

Sumqayıtda kadr dəyişikliyi baş tutub. İşdən qovulan məmurun yerinə təyinat olub.

Sumqayıt Şəhər İcra Hakimiyyətində yeni təyinat olub. Şəhərin yeni baş memarı vəzifəsinə Fərid Məzahir oğlu Ərşadlı gətirilib.

Bu barədə Denmedia.az-a adı çəkilən qurumdan məlumat verilib. 

Qeyd edək ki, bundan əvvəl həmin vəzifədə Rəşad Əhmədəliyev çalışıb.

Xatırladaq ki, Rəşad Əhmədəliyevin işdən çıxarılmasına səbəb fəaliyyətində yol verdiyi ciddi nöqsanlar olub. İddialara görə, sabiq baş memar şəhid ailələrini, qaziləri və digər sakinləri qəbul etməkdən yayınıb, onların müraciətlərinə laqeyd yanaşıb.

Həmçinin, onun şəhərdə qeyri-qanuni tikintilərin aparılmasına şərait yaratması ilə bağlı şikayətlər olub. Bundan əlavə, mediada Rəşad Əhmədəliyevin çoxsaylı mülkləri və bahalı avtomobilləri barədə məlumatlar yayılmışdı.