Sumqayıt Bələdiyyəsinin sədri Adil Xudadatov növbəti vətəndaş qəbulu keçirib-FOTOLAR
nizami
Sumqayıt Bələdiyyəsinin sədri Adil Xudadatov növbəti vətəndaş qəbulu keçirərək şəhər sakinləri ilə birbaşa ünsiyyətdə olub.
DenMedia.az xəbər verir ki, qəbul zamanı sakinlər müxtəlif mövzularda müraciətlərilə çıxış ediblər .
Əsasən kommunal xidmətlər, torpaq istifadəsi, yol və küçə infrastrukturu, bələdiyyə hüquqları və digər gündəlik problemlər diqqət mərkəzində olub.
Bələdiyyə sədri hər müraciəti diqqətlə dinləyərək, xüsusilə həllini yerindəcə tapmaq mümkün olan məsələlər üçün aidiyyəti üzrə tapşırıqlar verib.
O bildirib ki, qəbul zamanı qaldırılan məsələlər bələdiyyənin sərhədləri daxilində mümkün qədər tez həll edilməlidir.
Hər bir vətəndaşın müraciətinə fərdi yanaşma göstəriləcək, həlli mümkün olmayan məsələlər isə əlaqədar dövlət və bələdiyyə strukturlarına yönləndiriləcəkdir.
Xüsusilə vurğulayaq ki, bu cür açıq qəbul görüşləri bələdiyyə-sakin əlaqələrinin gücləndirilməsində, problemlərin vaxtında aşkara çıxarılması və aradan qaldırılması baxımından vacib rol oynayır.
