“Kara Sevda”nın ulduzu 8 aylıq oğlunu çəkiliş meydançasına apardı

Türkiyənin məşhur aktrisası Nəslihan Atagül reklam çəkilişlərinə 8 aylıq oğlu Azizlə birlikdə qatılıb.

DenMedia.az xəbər verir ki, o, sosial şəbəkədə az-az paylaşdığı ana-oğul kadrlarını yayımlayıb.

“Bir az pərdəarxası”, — deyə aktrisa bildirib.

Ulduz hələ də oğlunun üzünü göstərmir. O, dəfələrlə vurğulayıb ki, ailə həyatını nümayiş etdirməyi sevmir və daha çox yaradıcılığı ilə gündəmdə qalmağa üstünlük verir.

Nəslihan Atagül 2016-cı ildə həmkarı Kadir Doğulu ilə ailə qurub. Cütlük 2024-cü ildə ilk övladlarını gözlədiklərini açıqlamışdı. Aktrisa etiraf edirdi ki, hamiləlik onun üçün çətin keçib, lakin aktiv qalmağa və səyahət etməyə çalışıb.

Onun sözlərinə görə, Doğulu hamiləlik dövründə ona inanılmaz qayğı göstərib.

“Belə fədakar ata çox nadir görülür”, — deyə Atagül ərinin yeni roluna heyran olduğunu bildirmişdi.

Hazırda aktyor oğlunun böyüdülməsi ilə fəal şəkildə məşğuldur və həyat yoldaşına bütün sahələrdə dəstək verir.