Hikmət Hacıyev Azərbaycanın Ermənistanla sülhə can atdığını bildirdi
saida
Azərbaycan Prezidentinin köməkçisi Hikmət Hacıyev Bakıda keçirilən Qlobal Cənub QHT Platformasının ilk Baş Assambleyasında bildirib ki, uzun illər davam edən münaqişədən sonra Ermənistanla münasibətlərin normallaşdırılması Bakının regionda sülh və sabitliyə sadiqliyini göstərir.
Hacıyev xatırladıb ki, hələ altı il əvvəl Azərbaycan ərazisinin əhəmiyyətli bir hissəsi işğal altında idi.
O bildirib:
Ölkəmiz xarici hərbi təcavüz, işğal, mədəni abidələrin məhv edilməsi, etnik təmizləmə və şəhərlərin genişmiqyaslı dağıdılması ilə üzləşib.
Hikmət Hacıyev vurğulayıb ki, Azərbaycan buna son qoymağa, öz suverenliyini və ərazi bütövlüyünü bərpa etməyə, həmçinin Ermənistanla əməkdaşlıq və qarşılıqlı fəaliyyət prosesinə başlamağa nail olub.
O qeyd edib:
Bu, bizim xoş niyyətimizin və regionda yeni reallıqlar formalaşdırmağa hazır olmağımızın göstəricisidir.
Hacıyev əlavə edib ki, Bakı bundan sonra da Cənubi Qafqazda sülhün möhkəmləndirilməsində fəal rol oynamaq niyyətindədir.
