Zaxarova Azərbaycana təşəkkür etdi
saida
Rusiya İranı tərk edən vətəndaşların çıxışına köməyə görə Azərbaycana təşəkkür edib.
Bu barədə Rusiya Xarici İşlər Nazirliyinin rəsmi nümayəndəsi Maria Zaxarova bildirib.
Onun sözlərinə görə, Rusiya hakimiyyəti Azərbaycan, Ermənistan və Türkmənistan rəhbərliklərinə rusiyalı vətəndaşların İrandan quru sərhədləri vasitəsilə maneəsiz çıxışına göstərdikləri köməyə görə minnətdardır.
Zaxarova qeyd edib ki, martın 3-də İrandan böyük bir qadın və uşaq qrupu təcili şəkildə Azərbaycana çıxarılıb və daha sonra Moskvaya uçuş təşkil olunub. Onların Rusiyanın İrandakı səfirliyinin əməkdaşlarının ailə üzvləri olduğu bildirilib.
O, həmçinin rusiyalılara hələlik İrana səfər etməməyi, artıq ölkədə olanlara isə mümkün qədər tez İranı tərk etməyi tövsiyə edib.
