İyunun 15-nə hava proqnozu açıqlandı
saida
İyunun 15-də Azərbaycanda hava şəraitinin əsasən yağmursuz keçəcəyi, bəzi dağlıq ərazilərdə isə qeyri-sabit hava müşahidə olunacağı gözlənilir.
Milli Hidrometeorologiya Xidmətindən verilən məlumata görə, Bakıda və Abşeron yarımadasında hava əsasən yağmursuz olacaq. Mülayim cənub küləyi əsəcək.
Paytaxtda havanın temperaturu gecə 21-23 dərəcə, gündüz 27-29 dərəcə isti olacaq. Abşeron yarımadasında isə temperaturun gecə 20-23 dərəcə, gündüz 26-31 dərəcə isti olacağı proqnozlaşdırılır.
Azərbaycanın rayonlarında da havanın əsasən yağmursuz keçəcəyi gözlənilir. Lakin gündüz bəzi dağlıq ərazilərdə şimşək çaxacağı, qısamüddətli yağış yağacağı və dolu düşəcəyi ehtimal olunur. Şərq küləyi əsəcək.
Rayonlarda havanın temperaturu gecə 18-23 dərəcə, gündüz 32-37 dərəcə isti olacaq. Dağlıq ərazilərdə isə gecə 10-15 dərəcə, gündüz 19-24 dərəcə isti gözlənilir.
Sürücülərə, dağlıq ərazilərdə yaşayan sakinlərə və səfərə çıxmağı planlaşdıran şəxslərə hava şəraitini nəzərə almaq, ehtiyatlı davranmaq və rəsmi xəbərdarlıqları izləmək tövsiyə olunur.
