Aprelin son günü hava necə keçəcək?
saida
Aprelin 30-da hava əsasən sabit keçəcək, lakin bəzi ərazilərdə qısamüddətli dəyişikliklər gözlənilir.
Milli Hidrometeorologiya Xidmətinin məlumatına görə, Bakı və Abşeron yarımadasında hava dəyişkən buludlu olacaq, arabir tutulacaq və əsasən yağmursuz keçəcək.
Gündüz saatlarında yarımadanın bəzi ərazilərində qısamüddətli zəif yağış ehtimalı var, şimal-qərb küləyi əsəcək.
Havanın temperaturu gecə 9–11° isti, gündüz 15–18° isti olacaq. Atmosfer təzyiqi 764 mm civə sütunu, nisbi rütubət isə 55–65% təşkil edəcək.
Ölkənin əksər rayonlarında hava əsasən yağmursuz keçəcək. Lakin gündüz bəzi dağlıq və dağətəyi ərazilərdə yağış, şimşək və dolu ehtimalı var. Ayrı-ayrı yerlərdə duman müşahidə oluna bilər, mülayim qərb küləyi əsəcək.
Temperatur bölgələr üzrə gecə 7–10° isti, gündüz 17–22° isti, dağlıq ərazilərdə isə gecə 2–7° isti, gündüz 8–13° isti olacaq.
Hava ümumilikdə sabit qalsa da, gün ərzində qısa müddətli dəyişikliklərə hazır olmaq tövsiyə olunur.
