Sinoptiklər bazar ertəsi üçün hava proqnozunu açıqladı

Sabah Bakıda və Abşeron yarımadasında dəyişkən buludlu hava şəraiti gözlənilir, bəzi yerlərdə isə hava tutulacaq.

Milli Hidrometeorologiya Xidməti bildirir ki, əsasən yağıntı gözlənilmir, lakin gecə bəzi ərazilərdə zəif yağış ehtimalı var.

Səhər saatlarında ayrı-ayrı yerlərdə duman müşahidə olunacaq. Cənub-şərq küləyi axşam saatlarında şimal-qərb küləyi ilə əvəz olunacaq.

Havanın temperaturu gecə 9–12°, gündüz isə 13–18° isti olacaq. Atmosfer təzyiqi normadan aşağı – təxminən 750 mm civə sütunu təşkil edəcək, nisbi rütubət isə 70–80% səviyyəsində qalacaq.

Bölgələrdə isə bəzi yerlərdə qısamüddətli yağışlar, dağlıq ərazilərdə isə qar gözlənilir. Ayrı-ayrı ərazilərdə leysan xarakterli yağıntılar, şimşək və dolu ehtimalı var.

Gecə və səhər saatlarında bəzən duman olacaq, qərb küləyi isə ayrı-ayrı yerlərdə arabir güclənəcək.

Temperatur bölgələrdə gecə 8–11°, gündüz 15–20° isti, dağlıq ərazilərdə isə gecə -3…+7°, gündüz -2…+3° təşkil edəcək.

Denmedia.az