Abşeronda şəhidlərin anım günləri qeyd edildi - Fotolar

Vətən Müharibəsində döyüşərək şəhidlik zirvəsinə ucalan, Prezident tərəfindən göstərdikləri şücaət və qəhrəmanlıqlarına görə orden və medallarla təltif olunan igidlərimizin anım günləri Abşeron rayonunda qeyd edilib.

“Denmedia.az” xəbər verir ki, Abşeron Rayon İcra Hakimiyyətinin başçısı Abdin Fərzəliyev, RİH-in məsul əməkdaşları, şəhid ailələri və qazilərlə birgə şəhidlərimiz-Hətəmxan Quliyev, Rahid Sadıqov, Şamil Nəcəfov, Asif Ataşov, Ülvi Rəhimov, Tofiq Həsənov, Ceyhun Useynov, Turqut Xəlilbəyli, Tərlan Məmmədov, Elnur Rütəmovun, o cümlədən Vətən Müharibəsi Qəhrəmanı Veysəl Musibovun məzarlarını ziyarət edib, qəhrəmanlarımız ehtiramla anılaraq ruhlarına dualar oxunub.

Anım günlərində Azərbaycanın Vətən Müharibəsində əldə etdiyi tarixi qələbədən, işğaldan azad olunmuş ərazilərimizdə həyata keçirilən misilsiz abadlıq-quruculuq işlərindən danışılıb, ölkə rəhbəri tərəfindən şəhid ailələrinə və qazilərə göstərilən böyük diqqət və qayğıdan söz açılıb.

RİH başçısı Abdin Fərzəliyev şəhid ailələrinin yaşadığı evlərə gedərək ailələrlə görüşüb, onların qayğıları ilə maraqlanıb.