İsti havada duzlu xiyar və mandarin niyə risklidir? - FOTO
saida
Qastrit və hipertoniyadan əziyyət çəkən insanlara isti havalarda turşu və mandarin yemək qətiyyən tövsiyə olunmur. Bunu NEWS.ru-ya ailə nutrisoloqu Natalya Şipareva bildirib.
Mütəxəssis gündə bir ədəd duzlu xiyarla kifayətlənməyi və onu bol su ilə qəbul etməyi məsləhət görüb.
Onun sözlərinə görə, bir duzlu xiyarın tərkibində iki qrama qədər duz ola bilər. Üç ədəd xiyar isə Ümumdünya Səhiyyə Təşkilatının tövsiyə etdiyi gündəlik natrium normasını artıq keçə bilər.
Şipareva qeyd edib ki, isti havalarda damarlar genişlənir, ürək isə onsuz da daha çox yüklə işləyir. Artıq natrium orqanizmdə mayeni saxlayır və dövr edən qanın həcmini artırır. Bu isə hipertoniyası və qastriti olan insanlarda vəziyyətin ağırlaşmasına səbəb ola bilər.
Mütəxəssis bildirib ki, marinadlı məhsullar daha risklidir, çünki onların tərkibində duzla yanaşı, mədə selikli qişasını qıcıqlandıran sirkə də olur. Onun sözlərinə görə, mandarin də bəzi insanlar üçün problem yarada bilər, çünki tərkibindəki purinlər sidik turşusunun səviyyəsini artıra və oynaq ağrılarını gücləndirə bilər.
Şipareva vurğulayıb ki, qastrit və xora xəstəliyi olan şəxslərdə, xüsusilə orqanizm susuzlaşdıqda, marinadlı xiyar xəstəliyin kəskinləşməsinə səbəb ola bilər. Risk qrupuna ilk növbədə hipertoniyası və ürəyin işemik xəstəliyi olan şəxslər daxildir. Daha sonra isə xroniki böyrək xəstəliyindən əziyyət çəkənlər gəlir.
Mütəxəssis əlavə edib ki, maye yığılmasına və gestoz riskinə meyilli hamilə qadınlar, həmçinin podaqrası olan insanlar da ehtiyatlı olmalıdırlar.
Şiparevanın sözlərinə görə, hətta sağlam insanlar da isti havalarda duzlu xiyar yeməkdə həddi aşmamalıdırlar. Gündə bir-iki ədəd xiyar və mütləq bol adi su kifayət edir. Susuzluğu isə duzlu su ilə deyil, limon dilimi əlavə edilmiş təmiz su ilə yatırmaq daha məqsədəuyğundur.
