Bu yay stilin "danışsın" - FOTO
saida
2026-cı ilin yayında qarderob seçərkən ifadəli və kombinə edilə bilən parçalara üstünlük vermək tövsiyə olunur. Stilistlərin fikrincə, əsas məqsəd kapsul qarderob yaratmaqdır — yəni az sayda, amma bir-biri ilə uyğunlaşan geyimlər.
Trend olan parçalar arasında tvid kostyumlar, yüngül muslindən hazırlanmış parlaq printli donlar, axıcı və yumşaq kəsimli kostyumlar və rahat toplar yer alır.
Mövsümün rəng palitrası isə təbii və “günəşvari” tonlara əsaslanacaq: süd rəngi, krem, pudra-çəhrayı, şokolad və zeytun rəngi. Obrazlara dinamika qatmaq üçün isə bitki və geometrik printlər ön plana çıxacaq.
Material seçimi də əsas rol oynayır. Stilistlər “nəfəs alan” parçaları — muslin, viskoza, kətan, trikotaj və gipür kimi materialları tövsiyə edir. Bu parçalar həm hərəkətdə rahatlıq yaradır, həm də isti havada komfort təmin edir.
Eyni zamanda, obraz yaradarkən balansı qorumaq vacibdir. Bir tərəfdən “sakit lüks” estetikası və klassik proporsiyalar əsas götürülməli, digər tərəfdən isə parlaq rənglər və cəsarətli aksentlərdən çəkinməmək tövsiyə olunur.
