Gənclər arasında təhlükəli trend - İnsult halları artır

Son illərdə gənclər arasında insult halları nəzərəçarpacaq dərəcədə artıb. Mütəxəssislər bunun əsas səbəbi kimi yanlış həyat tərzi, qeyri-sağlam qidalanma və zərərli vərdişləri göstərirlər.

Həkimlərin sözlərinə görə, fast-food və yüksək kalorili qidaların tez-tez istehlakı, fiziki aktivliyin azalması və artıq çəki qan dövranı problemlərinə və damarların zədələnməsinə səbəb olur.

Bundan əlavə, gənclərin uzun müddət telefon və digər cihazlardan istifadə etməsi, az hərəkət etməsi və yuxu rejiminin pozulması da risk faktorlarını artırır.

Mütəxəssislər bildirir ki, siqaret və alkoqol kimi zərərli vərdişlər də insult riskini xeyli yüksəldir. Xüsusilə stress və daimi gərginlik ürək-damar sisteminə mənfi təsir göstərir.

Həkimlər gənclərə sağlam qidalanma, müntəzəm idman, normal yuxu rejimi və zərərli vərdişlərdən uzaq durmağı tövsiyə edir. Erkən yaşda profilaktik tədbirlər insult riskinin qarşısını almaqda əsas rol oynayır.

DenMedia.az