Bir dəfə dadan yenidən istəyəcək - FOTO

Mətbəxdə bəzən klassik dadları bir araya gətirərək inanılmaz uyğunluq əldə etmək mümkündür. Köz badımcanlı kartof püresi məhz bu uyğunluqla seçilən, dadanların bir daha yemək istədiyi reseptlərdən biridir. Kartof püresinin ipək kimi yumşaq teksturası ilə közlənmiş badımcanın hisli və xarakterik ətri birləşərək adi qarnir deyil, demək olar ki, əsas yeməyə bərabər müşayiət yaradır. Bəs köz badımcanlı kartof püresi necə hazırlanır?

Ət yeməklərinin, qril təamlarının və ya sadəcə qızardılmış çörəyin yanında mükəmməl uyğunlaşan bu resepti hazırlamaq olduqca asandır. Budur, süfrənizin ulduzu olacaq o resept:

Tərkibi
3–4 ədəd orta ölçülü kartof
2 ədəd bostan badımcanı
1 xörək qaşığı kərə yağı
Yarım stəkan ilıq süd (lazım olduqca artırıla bilər)
1 kasa rəndələnmiş kaşar və ya parmesan pendiri
Duz
Qara istiot
Bir çimdik muskat qozu (istəyə görə)

Hazırlanması:
İlk olaraq badımcanları qazda, sobada və ya varsa manqalda közləyin. Kənarda qabıqları yumşalana qədər saxlayın. Bu arada kartofları soyub kub şəklində doğrayın və yumşalana qədər bişirin.

Bişmiş kartofların suyunu tam süzün və isti-isti üzərinə kərə yağı əlavə edərək hamar kütlə halına gələnə qədər əzin.

Közlənmiş badımcanların qabığını soyun, içini xırda doğrayın və mümkün qədər əzin ki, püreyə tam qarışsın.

Əzilmiş kartofun üzərinə badımcanları əlavə edin. Daha sonra ilıq südü az-az tökərək qarışdırın. Südü tədricən əlavə etmək ideal, ipək kimi konsistensiya əldə etməyə kömək edir.

Sonda rəndələnmiş pendiri, duzu, qara istiotu və muskatı əlavə edin. Pendir tam əridikdən sonra püre hazırdır.

Önəmli:
Badımcanları mümkün olduqda açıq odda közləyin — bu, yeməyə xüsusi hisli dad verir.
Süd mütləq ilıq olmalıdır — soyuq süd püreyə yapışqanlıq verə bilər.
Badımcanları doğradıqdan sonra artıq suyunu süzsəniz, püreyiniz daha qatı və dadlı olacaq.

DenMedia.az