Maqnezium sinir sisteminin əsas dayağıdır — hansı qidalar sizi sakitləşdirir

Maqnezium sabit sinir sistemi və keyfiyyətli yuxu üçün əsas mikroelementdir. O, orqanizmin qıcıqlandırıcılara reaksiyasını tənzimləyir və əzələlərin boşalmasına kömək edir.

Bu barədə Health üçün diyetoloq və tibbi icmalçı Lindsi DeSoto danışıb.

Onun sözlərinə görə, maqnezium çatışmazlığı insanı stressə qarşı daha həssas edir. Bu mineral sinir impulslarını tənzimləməklə yanaşı, digər qidalarla birlikdə “yuxu hormonu” olan melatoninin yaranmasına da kömək edir.

Top maqnezium mənbələri:

Balqabaq toxumları — ən zəngin mənbədir, cəmi 28 qramda gündəlik normanın 37%-i var
Badam — stressə qarşı reaksiyanı tənzimləyir və əhvalı yaxşılaşdırır
İspanaq — bağırsaq sağlamlığına dəstək olur və yuxu ritmini tənzimləyir
Qara şokolad — serotonin səviyyəsini artırır və rahatlaşdırır
Avokado — qan şəkərini sabit saxlayır və əsəbiliyi azaldır
Qara lobya — əhval neyromediatorlarının yaranmasına kömək edir
Somon — omeqa-3 ilə iltihabı azaldır və yuxunu yaxşılaşdırır
Kaju — orqanizmi istirahət rejiminə hazırlayır
Kinoa — emosional sabitliyi qoruyur
Çia toxumları — beyin və yaddaşı dəstəkləyir

“Axşam kiçik bir parça qara şokolad belə sizi rahatlaşdıra bilər”

Diyetoloq vurğulayır ki, yalnız bir məhsula bağlı qalmaq düzgün deyil — bu qidaları gün ərzində kombinasiya etmək daha effektiv nəticə verir.

Onun tövsiyələri:

Çia və ya balqabaq toxumlarını yulaf, yoqurt və salatlara əlavə edin
Qara lobyanı şorbalara qatın
Ağ düyü və ağ un əvəzinə kinoa kimi tam taxıllara üstünlük verin

DenMedia.az