Niyə indi insanlar daha gənc görünür – Genetikdən açıqlama

Genetik həkim, elmi-maarifçi və genetika sahəsində şirkət təsisçisi İrina Jequlina KP.RU-ya bildirib ki, əvvəllər insanlar günəş şüalarından dərinin qorunmasına kifayət qədər əhəmiyyət vermirdi. O qeyd edib ki, fotoyaşlanma dərinin köhnəlməsinin əsas amillərindən biridir.

Onun sözlərinə görə, keçmişdə ultrabənövşəyi şüalardan qorunma demək olar ki, müzakirə olunmurdu, insanlar açıq havada – bağda, tarlada işləyir, nəzarətsiz şəkildə günəş altında qalırdılar.

“Bu gün artıq məlumdur ki, fotoyaşlanma dərinin vaxtından əvvəl qocalmasının ən güclü amillərindən biridir,” – deyə İrina Jequlina KP.RU-ya bildirib.

Genetik əlavə edib ki, qidalanma da əvvəlkindən fərqli olub. Onun sözlərinə görə, əvvəllər qidalar daha sərt və az işlənmiş olurdu, bu isə üz cizgilərinin formalaşmasına təsir göstərir, onları daha kobud edirdi. Belə üz quruluşu isə çox vaxt daha yaşlı görünüş kimi qəbul olunur.

DenMedia.az