Fitnes eksperti danışdı – Qadınlar bloqerləri kor-koranə izləməməlidir
saida
Qadınlar arıqlamaq üçün başqalarının sxemlərini kor-koranə təkrarlamamalıdır.
Bu barədə NEWS.ru-ya açıqlamasında Milli Fitnes İcmasının rəhbəri Yelena Silina bildirib.
Onun sözlərinə görə, effektiv çəki azalması üçün proqramlar mütləq fərdi xüsusiyyətlər nəzərə alınaraq tərtib olunmalıdır.
Silina qeyd edib ki, qadınların ən böyük səhvlərindən biri fitnes-bloqerlərin obrazlarına yönəlmək və onların proqramlarını olduğu kimi köçürməkdir. Bu zaman şəxsi başlanğıc göstəricilər — fiziki hazırlıq səviyyəsi, sağlamlıq durumu və digər vacib fərdi amillər nəzərə alınmır.
O əlavə edib ki, qadın orqanizmi xətti şəkildə dəyişmir. Xarici görünüş menstrual dövrün mərhələsindən, stress səviyyəsindən və yuxu rejimindən asılı olaraq dəyişə bilər. Buna görə də real irəliləyiş olsa belə — adətən 8–12 həftəlik müntəzəm məşqdən sonra görünən nəticələr — bir çox qadında “heç nə işləmir” hissi yaranır.
Silinanın fikrincə, daha məhsuldar yanaşma peşəkar dəstəkdən istifadə etməkdir. O bildirib ki, fitnes mərkəzində fərdi məşqçi məşq prosesini düzgün təşkil edə və şəxsə uyğun proqram hazırlaya bilər.
