saida
Oruc tutarkən süfrəmizdə virus infeksiyalarından qoruyucu və immun sistemini gücləndirən iki arı məhsulunun — bal və propolisin olması faydalıdır. Sahurda qəbul edilən propolis mədəni qoruyur, iftarda yeyilən bal isə immuniteti gücləndirir.
Propolisi sahurdan dərhal əvvəl və ya sahurdan sonra təmiz su əsaslı propolisi su ilə qarışdıraraq içmək olar. Gündə 500–1000 mq miqdarında, ən azı 21 gün mütəmadi istifadə edilən propolisin sağlamlığa müsbət təsir göstərdiyini xüsusilə vurğulamaq lazımdır. Sahurda qəbul edilən propolis mədəni qoruyur, gün ərzində bədənin müqavimətini artırır, immun sisteminin normal işləməsini təmin edərək oruc müddətində daha enerjili qalmağa dəstək olur.
Propolisin təsiredici maddəsinin yüksək dozada olması çox önəmlidir. Elmi araşdırmalar göstərir ki, propolis kovandan çıxarıldığı xam halda istehlak edilməməlidir. Tədqiqatlara görə, xam propolisin tərkibində ola bilən mum, eləcə də üzvi və qeyri-üzvi yad maddələr mütləq təmizlənməli, daha sonra ekstraksiya prosesi tətbiq olunaraq təsiredici maddələr məhlula keçirilməlidir. Yalnız bu yolla əldə edilən təmiz propolisin istehlakı doğru hesab olunur.
Propolisi dəyərli edən əsas məqam onun kovandan götürüldükdən sonra tətbiq edilən ekstraksiya texnologiyasıdır. Qeyd olunur ki, son məhsuldakı bioaktiv maddələrin miqdarı və keyfiyyəti birbaşa istifadə olunan ekstraksiya üsulundan asılıdır.
Propolisin ekstraksiyasında həlledici kimi etanol və ya propilen qlikol kimi spirt törəmələri geniş istifadə olunsa da, bu gün yeni texnologiyalar sayəsində alkoqolsuz, yəni son məhsulunda spirt olmayan yeni nəsil propolislər də istehlakçılara təqdim olunur. Propolis seçərkən mütləq etiketi oxumaq, tərkibində etil spirt və propilen qlikol kimi maddələr olmayan, su və saf propolis miqdarı dəqiq göstərilən məhsullara üstünlük vermək tövsiyə edilir.
Çünki bir çox səhiyyə qurumları və elmi araşdırmalar propilen qlikol kimi spirt törəmələrinin böyüklərdə, hətta uşaqlarda mərkəzi sinir sistemi, böyrək, qaraciyər, tənəffüs və ürək funksiyalarına mənfi təsir göstərə biləcəyini xüsusi olaraq qeyd edir.
