Daim yorğunsansa, səbəb bu vitamin ola bilər

Vitamin B12 çatışmazlığı sakit və tədricən başlayır, amma nəticələri çox ciddi ola bilər. Bu vitamin “ən heyvani” vitamin adlandırılır — çünki demək olar ki, yalnız heyvan mənşəli qidalarda mövcuddur və orqanizmdə sinir sistemi, qan yaranması və beyin fəaliyyəti üçün həyati rol oynayır.

İlk mərhələdə B12 çatışmazlığı özünü adi yorğunluq kimi göstərir. İnsan tez-tez halsız olur, başı gicəllənir, diqqəti dağılır, hətta bəzən bunu stress və ya yuxusuzluqla əlaqələndirir. Amma proses dərinləşdikcə əlamətlər də təhlükəli səviyyəyə keçir.

B12 azaldıqda:

• qan hüceyrələrinin yaranması pozulur, anemiya inkişaf edə bilər

• sinir ucları zədələnir, əllərdə və ayaqlarda keyimə, iynəbatma hissi yaranır

• yaddaş zəifləyir, depressiya və əsəbilik artır

• tarazlıq pozulur, yerimə və görmə problemləri meydana çıxır

Ən təhlükəli məqam isə odur ki, uzunmüddətli B12 çatışmazlığı geri dönməyən sinir zədələnmələrinə səbəb ola bilər.

Risk qrupunda kimlər var?

• vegetarian və veganlar

• mədə-bağırsaq problemləri olanlar

• 40 yaşdan yuxarı şəxslər

• uzun müddət mədə turşusunu azaldan dərmanlar qəbul edənlər

B12-nin əsas mənbələri ət, qaraciyər, balıq, yumurta, süd məhsullarıdır. Qida ilə kifayət qədər qəbul olunmadıqda isə həkim məsləhəti ilə əlavə preparatlar tələb oluna bilər.

Qısa desək, B12 — sadəcə vitamin deyil. O, enerji, sağlam sinir sistemi və aydın düşüncə deməkdir. Yorğunluğu görməməzliyə vurmaq əvəzinə, bəzən problemin kökü bir vitamin qədər sadə, nəticəsi isə bir ömürlük ağır ola bilər.

DenMedia.az