Arıqlamaq üçün gecə yemək olar: 45 yaşdan sonra işləyən gizli mexanizm

45–50 yaşdan sonra sərt pəhrizlər və ağır məşqlər olmadan necə arıqlamaq olar?
Mütəxəssislər təsdiqləyir ki, bu yaşdan sonra maddələr mübadiləsi həqiqətən yavaşlayır. Amma düzgün seçilmiş qidalanma hətta yuxu zamanı belə çəki itkisinə təsir edən mexanizmləri işə sala bilər.

Denmedia.az xəbər verir ki, diyetoloq Sahar Berqis La Razon nəşrinə açıqlamasında yuxu hormonlarını dəstəkləyən, qan şəkərini stabilləşdirən və gecə bərpasını yaxşılaşdıran məhsulları sadalayıb. Məhz bu amillər dolayısı ilə çəki azalmasına kömək edir.

Niyə axşam yemək olar?

Yaş artdıqca:

• insulinə həssaslıq azalır,

• stres hormonu kortizol yüksəlir,

• karbohidratların parçalanması ləngiyir.

Keyfiyyətli yuxu çəki tənzimləyən sistemin düzgün işləməsi üçün vacibdir. Axşam yeyilən qidalar isə bu prosesi ya asanlaşdırır, ya da çətinləşdirir.

Berqis vurğulayıb ki, arıqlamaq istəyənlər üçün qlükozanın stabil qalması və melatoninin sintezinin artırılması əsas şərtdir. Buna görə axşam rasionunda zülal, maqnezium və sakitləşdirici qida maddələri üstünlük təşkil etməlidir.

45 yaşdan sonra axşam yeməyinə daxil edilməli qidalar

Diyetoloqun tövsiyə etdiyi məhsullar bunlardır:

• toyuq əti

• hinduşka əti

• qatıq

• kəsmik

• rikotta pendiri

• kivi

• badam

• qoz

• çobanyastığı çayı

• bitki çayları

Mütəxəssisin sözlərinə görə, əsas ehtiyac yağsız zülaldır — məsələn, toyuq və ya hinduşka. Alternativ olaraq zülal və probiotikləri birləşdirən qatıq, kəsmik və yumşaq pendirlər (rikotta kimi) seçilə bilər.

Meyvə olaraq kivi tövsiyə olunur. Elmi araşdırmalar göstərir ki, kivi yuxu keyfiyyətini artırır və yüksək C vitamini sayəsində hüceyrələrin yenilənməsinə kömək edir.

Maqnezium mənbəyi kimi badam və qoz önə çıxır. Bu məhsullar eyni zamanda E vitamini və faydalı yağlarla da zəngindir.

İçkilər arasında isə çobanyastığı çayı və rahatladıcı bitki dəmləmələri məsləhət görülür. Onlar stresi azaldır və aclıq hissini sakitləşdirir.

“Məsələ az yeməkdə deyil, daha düzgün qidalanmaqdadır”, — deyə diyetoloq qeyd edib.