Cəmi 28 günə immuniteti “cavanlaşdıran” maddə tapıldı

Endokrinoloq Zuhra Pavlova öz Telegram kanalında bildirib ki, alimlərin fikrincə, nar və qozda olan bəzi maddələr immun hüceyrələrini “yenidən işə salır”.

Alimlər nə müəyyən edib

Mütəxəssisin sözlərinə görə, immunitetin “cavanlaşmasında” əsas rolu urolitin A oynayır — bu birləşmə insan bağırsağında nar və qoz yeyildikdə sintez olunur. Nature Aging jurnalında dərc edilən araşdırma göstərib ki, cəmi 28 günlük urolitin A qəbulu nəticəsində iştirakçılarda:

— Gənc və aktiv immun hüceyrələrinin payı artıb;
— İmmun yorğunluğunun əlamətləri azalıb;
— Yağ turşularının enerji mənbəyi kimi istifadəsi güclənib.

Lakin Pavlova qeyd edib ki, bu təsir yalnız bağırsağın həmin maddəni yetərincə istehsal edə bilməsindən asılıdır və bu, hər insanda fərqlidir.

“Bəzi insanlarda yaxşı alınır, digərlərində isə demək olar ki, heç baş vermir. Sizdə necə olacaq? Maraqlı sualdır.”

Nar və qozu necə yemək lazımdır

Organizmdə urolitin zəif sintez olunsa belə, nar və qoz hələ də yüksək dəyərli qida məhsullarıdır: onlar antioksidant, vitamin, sağlam yağ və liflə zəngindir.

— Nar — həftədə 1 dəfədən çox yox.
— Qoz-fındıq qarışığı — hər gün, amma kiçik porsiyada (təxminən 15 qram), duzsuz və müxtəlif növlərin qarışığı şəklində: qoz, fındıq, keşyu və s.

Bu məhsullar belə, soyuqdəymə mövsümündə immuniteti dəstəkləyir və damarların vəziyyətini yaxşılaşdırır.

DenMedia.az