Ginekoloq doğuşdan sonra əsas müayinələri sadaladı
saida
Qadın doğuşdan sonra mümkün fəsadların qarşısını almaq üçün təxminən 30–45 gün ərzində mütləq müayinə olunmalıdır.
DenMedia.az xəbər verir ki, bu barədə RT ilə söhbətində tibb elmləri namizədi, ginekoloq Olqa Ulankina məlumat verib.
Həkimin sözlərinə görə, somatik xəstəlikləri olan qadınlar bu dövrdə terapevtə də müraciət etməlidirlər. Ulankina qeyd edib:
“Ağrı, hərarət, irinli və ya qeyri-adi ifrazat yaranarsa, planlı müayinəni gözləmədən dərhal mütəxəssisə müraciət etmək lazımdır.”
Doğuşdan sonra kiçik çanaq orqanlarının USM-i də unudulmamalıdır. Xüsusilə ağır doğuş və ya qeysəriyyə əməliyyatı olmuş qadınlar üçün bu müayinə vacibdir.
Eyni zamanda laborator analizlər də əhəmiyyətlidir:
— ümumi qan analizi — iltihab və doğuşdan sonra tez-tez rast gəlinən anemiyanı aşkar etmək üçün;
— biokimya — qaraciyər və böyrəklərin vəziyyətini qiymətləndirmək üçün;
— hormonlar — reproduktiv sistemin bərpasını və qalxanabənzər vəzinin fəaliyyətini izləmək üçün.
Həkim bildirib ki, sidik-ifrazat sistemi də xüsusi diqqət tələb edir.
“Həmçinin ana südü ilə qidalandırmanı da unutmaq olmaz. Ağrı, bərkimə, qızdırma və ya döşün formasında dəyişiklik olarsa, ginekoloqa və ya laktasiya üzrə mütəxəssisə müraciət etmək vacibdir.”
