Sağlamlıq "oyuncağa" çevrilir — onlayn inyeksiyalar qadağan oluna bilər

DenMedia.az xəbər verir ki, Dövlət Dumasının Səhiyyənin qorunması komitəsinin üzvü Yuliya Drojjina TASS-a açıqlamasında bildirib ki, marketpleyslərdən alınan inyeksiya preparatlarının istifadəsi ciddi sağlamlıq problemlərinə gətirib çıxara bilər.

“Bu cür vasitələri müstəqil şəkildə istifadə etmək infeksiyalara, çapıqlara, xroniki iltihablara və hətta toxuma nekrozuna səbəb ola bilər,” — deyə deputat vurğulayıb.

O qeyd edib ki, fillerlər, inyeksiya preparatları, eləcə də döymə və pirsinq üçün dəstlər sərbəst satışda olmamalıdır. Drojjina bildirib ki, bu cür məhsulların asan əldə olunması “sadə prosedur təəssüratı” yaradır, halbuki onların yanlış tətbiqi ciddi ağırlaşmalara səbəb ola bilər.

Deputat həmçinin yeniyetmələrin və tibbi təhsili olmayan şəxslərin bu preparatlara çıxışının xüsusi təhlükə yaratdığını vurğulayıb.

“Dərinin altına edilən hər bir inyeksiya tibbi prosedurdur və onu yalnız lisenziyalı klinikalarda ixtisaslı mütəxəssislər icra etməlidir,” — deyə o xatırladıb.

Sonda Drojjina insanlara müraciət edib:

“Özünüzü qoruyun — sağlamlıq riskə atılacaq şey deyil.”