saida
Sənaye üsulu ilə emal olunan quru meyvələr, tərkibindəki kükürd dioksidi səbəbindən mədənin selikli qişasını qıcıqlandıra və allergik reaksiyalara səbəb ola bilər.
Bu barədə Moskva vilayəti Səhiyyə Nazirliyinə tabe Krasnoqorsk xəstəxanasının qastroenteroloqu Yelena Pexotina RIA Novostiyə müsahibəsində bildirib.
“Sənaye üsulu ilə hazırlanmış quru meyvələrdə kükürd dioksidi ola bilər — bu konservant mədənin selikli qişasını qıcıqlandırır və allergik reaksiyalara yol açır,” — deyə ekspert qeyd edib.
Onun sözlərinə görə, yüksək enerji dəyəri və təbii şəkər tərkibi səbəbindən quru meyvələr şəkərli diabet, piylənmə və mədəaltı vəzi xəstəlikləri zamanı məsləhət görülmür.
Həkim əlavə edib ki, bir insan üçün təhlükəsiz gündəlik norma 30–40 qram quru meyvə sayılır.
