Arıqladan, amma doyduran salat – “Olivye”yə yeni rəqib!

Bu salat həm pəhriz menyusuna, həm də ailə süfrəsinə uyğun seçimdir. Onun tərkibindəki qırmızı lobya, bişmiş toyuq filesi və turşu xiyar bədəni uzun müddət tox saxlayır, orqanizmi zülalla təmin edir və eyni zamanda çox yüngül dad yaradır.

Hazırlanma qaydası

1. Toyuğun döş ətini bişirib xırda kub şəklində doğrayın.

2. Turşu və ya təzə xiyarları (2–3 ədəd) eyni ölçüdə doğrayın.

3. Qırmızı lobyanı (konservləşdirilmiş də ola bilər) süzün, yuyun və digər məhsullara əlavə edin.

4. Qırmızı baş soğan, bir diş sarımsaq və təzə cəfəri və ya keşniş doğrayıb qarışığa əlavə edin.

Sous

Salatı xama və ya təbii yoqurt, bir az diri xardal və soya sousu ilə hazırlanan yüngül sousla qarışdırın.
Bu qarışım salata həm zərif dad, həm də ətirli balans bəxş edir.

Faydaları

Bu salat zülalla zəngindir, uzunmüddətli toxluq hissi yaradır və kalorisi aşağı olduğu üçün arıqlamaq istəyənlər üçün uyğundur.
Eyni zamanda, lobyadakı bitki mənşəli proteinlər və toyuqdakı asan mənimsənilən zülallar bədənin enerji balansını qorumağa kömək edir.

DenMedia.az