saida
Bəli, gözəllik bəzən cəsarət tələb edir, amma bu, iynə və lazer altında lotereya oynamaq demək deyil. Kosmetoloqa gedəndə məqsəd güzgüdə özünün daha sağlam, baxımlı versiyasını görməkdir, deyil ki, sonra aynadan qaçmaq.
Əgər prosedurdan sonra şişliklər, asimmetriya, izlər, ya da sadəcə pis nəticə gördünsə — səssiz qalma. Bu, nə “kapriz”, nə də “qadın duyğusallığıdır.” Bu, sənin bədəninə edilən səhv müdaxilədir.
İlk addım – foto və sənədləri topla. Hər şeyin qeydini apar: tarix, ad, prosedurun adı, istifadə olunan məhsullar.
Sonra kosmetoloqla bir dəfə sakit şəkildə əlaqə saxla. Bəzən problem düzəldilə bilir, amma əgər səni laqeydliklə qarşılayırsa, müvafiq orqanlara və istehlakçı hüquqlarını qoruyan qurumlara müraciət et.
Unutma, gözəllik peşəkar məsuliyyət tələb edir. Sənin dərinin, üzünün, bədəninin üzərində təcrübə aparmaq heç bir “ustanın” haqqı deyil.
Gözəllik – təhlükəsizliklə başlayır. Əgər mütəxəssis sənə etibar vermirsə, o kresloya oturma.
Sənin bədəninə yalnız sən qərar verirsən — və bu, həmişə belə qalmalıdır.
