Bu vitamin qoxu reseptorlarını yenidən “işə salır”

KRV (kəskin respirator virus infeksiyaları) mövsümündə bir çox insan qoxu hissinin itməsi ilə üzləşir. Qoxunu bərpa etmək üçün A vitamini qəbulunu artırmaq vacibdir.

Denmedia.az xəbər verir ki, bunu Gazeta.Ru-ya BGMU-nun Hospital Terapiya kafedrasının dosenti, terapevt, tibbi elmlər namizədi və SOLGAR şirkətinin eksperti Reqina Sadikova bildirib.

Həkimin sözlərinə görə, qoxu pozğunluqlarının əsas səbəbi burun və burun ciblərindəki xəstəliklərdir: rinitlər (o cümlədən allergik), xroniki bakterial və göbələk infeksiyaları, eləcə də burun polipləri.
Bu hallar selikli qişanın iltihabına və ödeminə səbəb olur, nəticədə qoxu reseptorları deformasiyaya uğrayır və normal işləməsini itirir.

“Qoxu itkisinə vitamin və mikroelement çatışmazlığı, hormonal pozğunluqlar, pestisid və həlledicilər kimi toksinlər, bəzi antibiotiklər, antidepressantlar və ürək preparatlarının uzunmüddətli qəbulu, eləcə də yaşlanma səbəb ola bilər,” – deyə Sadikova izah edib.

O, vurğulayıb ki, A vitamini qoxu bərpasında və profilaktikasında kompleks müalicə üsulunun təsirli hissəsi ola bilər.

“Əgər qoxu itkisi qoxu soğanağının zədələnməsi ilə bağlıdırsa, A vitamini bərpa prosesini stimullaşdıra bilər.
Onun yerli (burun vasitəsilə) tətbiqi epitelin yenilənməsini və qoxu funksiyasının bərpasını sürətləndirir.
Tədqiqatlara görə, burun yolu ilə 10 000 BV dozada qəbul edilən A vitamini qoxu itkisinə qarşı müalicədə müsbət effekt göstərib.
Lakin bu vitamini qidalar vasitəsilə də almaq vacibdir. Ən çox A vitamini olan məhsullar – mal qaraciyəri, halibut balığının qaraciyəri, yerkökü, cəfəri, brokkoli, balqabaq, şüyüd və ispanaqdır,” – deyə həkim əlavə edib.