Paxlalı məhsulları kimlər üçün təhlükəlidir?

“DenMedia.az” xəbər verir ki, diyetoloq Margarita Koroleva “Radio 1” kanalına açıqlamasında bildirib ki, mədə-bağırsaq (M-B) xəstəlikləri olan insanlar paxlalı məhsullardan uzaq durmalıdır. Əks halda, bu qida artmış qaz, şişkinlik və digər xoşagəlməz simptomlara səbəb ola bilər.

Koroleva əlavə edib ki, paxlalılar xüsusilə pankreas və bağırsaq funksiyasında pozuntu olan insanlar üçün həzm baxımından mürəkkəbdir.

“Fərdi dözümsüzlük hallarında paxlalıların qəbulu həm immun, həm də dəri xəstəliklərini ağırlaşdıra bilər,” – deyə o qeyd edib.

Problemlərin qarşısını almaq üçün lobya, mərcimək və noxud yemədən əvvəl tibbi müayinə keçmək tövsiyə olunur.