Bunları yeyirsinizsə, diqqətli olun – gizli təhlükə

Mayonez və ketçup gündəlik qidalanmada geniş istifadə olunsa da, onlar həm bədən forması, həm də sağlamlıq üçün problem yarada bilər, DenMedia.az xəbərdarlıq edir.

Mayonez yüksək kalorili və yağlıdır. Bir xörək qaşığı mayonezdə təxminən 90 kalori və 10 qram yağ var. Tez-tez istifadə olunduqda çəki artımına səbəb ola bilər.

Ketçup isə şəkər baxımından çox zəngindir. Bir xörək qaşığı ketçupda 4 qramadək şəkər ola bilər. Şəkərin çox qəbulu isə qan şəkərinin artmasına, insulin səviyyəsinin dəyişməsinə və uzun müddətdə piylənməyə səbəb ola bilər.

Hər iki sousun tərkibində yüksək miqdarda duz da vardır ki, bu da ürək-damar sistemi üçün risk yaradır.

Məsləhət: Sousları az miqdarda istifadə etmək, evdə təbii tərkibli alternativlər hazırlamaq (məsələn, qatıqla mayonez əvəzləmək, evdə pomidor sousu hazırlamaq) həm sağlamlıq, həm də bədən forması üçün daha faydalıdır.