Meymun özünə torpaq almaq istəyən müəllimin pulunu oğurlayıb sakinlərə payladı-VİDEO

Hindistanın Araya şəhərində meymun sakinlərdən birinin əlindən pulla dolu çantanı qaparaq ağaca dırmaşıb və əsginasları insanların başına səpələyib.

“Denmedia.az” xəbər verir ki, bu barədə “Times of India” məlumat yayıb.

Zərərçəkən oraya torpaq sahəsi almaq üçün gəlmiş müəllim Rohitaş Çandra olub. Onun çantadasında 80 min rupi (təxminən 1500 manat) olub.

“Pul yağışı”nı görən yoldan keçənlər dərhal uçan əsginasları yığmağa başlayıblar. Çandra cəmi 52 min rupini (təxminən 1000 AZN) qaytara bilib. Pulun bir hissəsi ağaclarda qalıb, bəzilərini isə meymun cıraraq yararsız hala salıb.