Meksikalı deputat avtomobilində güllələnmiş halda tapıldı

Meksikanın Veracruz ştatında federal deputat Zenyazen Escobar García yol kənarında park edilmiş avtomobilində güllə yarası ilə ölü tapılıb. Məlumatı yerli hakimiyyət də təsdiqləyib.

İlkin baxış zamanı avtomobilin üzərində kənardan hücuma işarə edən aşkar izlərin olmadığı bildirilib. Buna görə hücum versiyası hazırda əsas ssenari kimi qiymətləndirilmir, lakin istintaq hələ yekun nəticəyə gəlməyib.

Veracruz Baş Prokurorluğu hadisə yerində ekspertiza aparır, Meksikanın Federal Baş Prokurorluğu isə araşdırmaya qoşulacaq. Deputatın ölümünün intihar, yoxsa qətl olması hələlik rəsmən müəyyən edilməyib.

Denmedia.az