Türkiyədə azərbaycanlı qadın qətlə yetirildi - FOTO

Türkiyənin Iğdır bölgəsində iki nəfərin meyiti tapıldı.

Bu barədə İhlas News Agency məlumat yayıb.

Məlumata görə, azərbaycanlı qadının yaşadığı evdə gecə saatlarında atəş səsləri eşidilib. Qonşular bu barədə hüquq-mühafizə orqanlarına məlumat veriblər.

Hadisə yerinə gələn polis müəyyən edib ki, ölən şəxslər Ali Mamak və Azərbaycan əsilli Maisə Bayramovadır.

Bildirilir ki, hər iki şəxs güllə yarası alaraq hadisə yerində həyatını itirib.

Faktla bağlı araşdırma aparılır.

DenMedia.az