Azərbaycanda bir gündə 21 kq-dan çox narkotik, silah və sursat götürüldü
saida
Azərbaycanda polis əməkdaşları tərəfindən keçirilən əməliyyat tədbirləri nəticəsində son bir sutkada 21,6 kiloqramdan çox narkotik vasitə aşkar edilərək götürülüb.
Bu barədə Daxili İşlər Nazirliyinin mətbuat xidməti məlumat yayıb.
Məlumata görə, martın 28-də paytaxt və bölgələrdə aparılan əməliyyatlar zamanı polis əməkdaşları bir ədəd alışdırıcı qurğu, səkkiz tüfəng və müxtəlif çaplı 100 patron da aşkarlayıb.
“Qanunsuz saxlanılan silah və sursatların aşkar edilərək götürülməsi istiqamətində əməliyyat və profilaktik tədbirlər davam etdirilir.”
Nazirlik bildirib ki, bu istiqamətdə tədbirlər davamlı şəkildə həyata keçirilir.
