Həmin şagird liseyə belə daxil olub - Video

Bu gün səhər saatlarında “İdrak” liseyində baş vermiş insidentin ilkin görüntüləri yayılıb.

“Denmedia.az” xəbər verir ki, Musteqil.az saytı 10-cu sinif şagirdinin liseyə necə daxil olduğunu əks etdirən görüntüləri yayıb.

Videodan məktəblinin çiynindən asdığı çanta ilə lisey binasına daxil olduğu və kart vuraraq turniketi keçdiyi, daha sonra dəhlizə doğru irəlilədiyi görünür.

Qeyd edək ki, Bakı şəhəri, Binəqədi rayonunda yerləşən özəl “İdrak” liseyində silahlı insident baş verib. Liseyin 10-cu sinif şagirdi Ə.Ş. atasına məxsus ov tüfəngini çantasında təhsil müəssisəsinə gətirib. O, riyaziyyat müəllimi 1997-ci il təvəllüdlü Şəhla Kamilovaya atəş açaraq onu yaralayıb.