Azərbaycanla müqavilələr Gürcüstanda qaz tariflərini sabit saxlayacaq

Azərbaycanla yeni müqavilələr sayəsində Gürcüstanda qaz tarifləri dəyişməyəcək.

DenMedia.az xəbər verir ki, bunu Gürcüstanın Baş naziri irakli Kobaxidze deyib.

"Ölkəyə yalnız uyğun qiymət deyil, həm də kifayət qədər həcm təmin ediləcək ki, bu da prinsipial olaraq vacibdir. Biz çoxillik zəmanətlər almışıq - bu, mövcud tarifləri saxlamağa imkan verəcək", - deyə İrakli Kobaxidze bildirib.

O, qeyd edib ki, Azərbaycanla qaz, elektrik enerjisi və neft tranziti üzrə müqavilələrin təfərrüatları kommersiya sirridir, lakin şərtləri Gürcüstan tərəfi üçün ideal adlandırıb.