Azərbaycanda mənzil qiymətləri 8,1% yüksəldi

Azərbaycanda bu ilin I rübündə mənzil bazarında qiymətlər ötən ilin eyni dövrü ilə müqayisədə 8,1% yüksəlib.

Bu barədə Dövlət Statistika Komitəsi məlumat yayıb.

Məlumata görə, ilkin mənzil bazarında (yeni tikililər) qiymətlər 13,1%, təkrar mənzil bazarında (köhnə mənzillər) isə 8,1% artıb.

Ötən ilin IV rübü ilə müqayisədə ümumi mənzil bazarında qiymətlər 2,2% yüksəlib. Bu dövrdə ilkin bazar üzrə qiymətlər 1,8%, təkrar bazar üzrə isə 2,2% artım göstərib.

DenMedia.az