Qələbədən sonra açılan bayraq: İrlandiyalı döyüşçünün mesajı rezonans doğurdu - VİDEO

Sosial mediada yayılan görüntülərdə irlandiyalı MMA döyüşçüsü Paddy McCorrynin israilli rəqibi Shuki Farage üzərində qələbəsindən sonra verdiyi mesaj geniş rezonans doğurub.

Döyüşdən sonra McCorrynin qəfəsin içində Fələstin bayrağı açması tribunaların və sosial media istifadəçilərinin diqqətini çəkib. Görüntülərdə idmançının bayrağı çiyinlərinə aldığı və “Azad Fələstin” şüarı səsləndirdiyi anlar yer alıb.

Qısa müddətdə yayılan videolar milyonlarla istifadəçi tərəfindən izlənilib. McCorrynin qələbə sonrası mesajı idman ictimaiyyətində müxtəlif reaksiyalara səbəb olub. Bəzi istifadəçilər idmançının siyasi mövqe ifadə etmək hüququnu müdafiə edib, digərləri isə idman yarışlarının siyasi çağırışlardan kənarda qalmalı olduğunu bildirib.

Hadisədən sonra Paddy McCorry və Shuki Farage adları sosial mediada ən çox müzakirə olunan mövzular sırasına daxil olub.