Futbol əfsanəsi xəstəxanaya yerləşdirildi
saida
“Mançester Yunayted”in sabiq baş məşqçisi Ser Aleks Ferqyuson “Old Trafford” stadionundan xəstəxanaya aparılıb. Bu barədə Daily Mail məlumat yayıb.
84 yaşlı mütəxəssis İngiltərə Premyer Liqasının 35-ci turunda “Mançester Yunayted” — “Liverpul” oyunu başlamazdan az əvvəl özünü pis hiss edib. Məlumata görə, Ferqyuson ehtiyat tədbiri kimi həkim nəzarətinə götürülüb. Onun yaxın vaxtlarda evdə müalicəsini davam etdirəcəyi gözlənilir.
Ferqyuson 1986–2013-cü illərdə “Mançester Yunayted”i çalışdırıb. Onun rəhbərliyi altında komanda 13 dəfə İngiltərə Premyer Liqasının qalibi olub, 5 dəfə ölkə kubokunu qazanıb və 2 dəfə UEFA Çempionlar Liqasının kubokunu başı üzərinə qaldırıb. Bundan əlavə, “Mançester Yunayted” onunla birlikdə Klublararası dünya çempionatını, Qitələrarası kuboku, Avropa Kubok Qalibləri Kubokunu, UEFA Superkubokunu və 4 dəfə İngiltərə Liqa kubokunu qazanıb.
