Marafonçu vəfat etmiş dostunun xatirəsinə keçirilən qaçış zamanı həlak oldu

Keçmiş dəniz piyadası və ultramarafonçu Devid Perriș dünya rekordu qırmaq cəhdi zamanı həlak olub. Bu barədə Daily Mail məlumat yayıb.

Qaçış Keyp Rot marşrutu üzrə həyata keçirilirdi və idmançının dostu Lyuk Ayrlendin xatirəsinə həsr olunmuşdu. O, 2014-cü ildə Qlen Klovada qaçış zamanı həyatını itirmişdi. Layihə həmçinin Scottish Mountain Rescue təşkilatına vəsait toplamaq məqsədi daşıyırdı.

İdmançının meyiti Şotlandiyanın şimal-qərbində yerləşən dağlıq ərazidə aşkar edilib. Polis məlumatına görə, zorakılıq əlamətləri qeydə alınmayıb. Ailəsi hadisə ilə bağlı məlumatlandırılıb.

Devid Perriș aktiv qaçışçı olub və çətin marşrutlarda iştirak təcrübəsinə malik idi. O, 2023-cü ildə Keyp Rot marşrutunda qalib olmuşdu, baxmayaraq ki, peşəkar məşqlərə nisbətən gec başlamışdı. Həmkarları arasında böyük hörmət qazanmış idmançı son təşəbbüsü çərçivəsində xeyriyyə məqsədləri üçün əhəmiyyətli vəsait toplamağa nail olmuşdu.

DenMedia.az