Nou Camp-da sükut: "Barselona" uduzdu

Barselona UEFA Çempionlar Liqasının 1/4 final mərhələsinin ilk oyununda öz meydanında Atletiko Madridə 0-2 hesabı ilə məğlub olub və mərhələni keçmək şansını çətinləşdirib.

Nou Camp stadionunda keçirilən qarşılaşmada hesabı qonaq komanda açıb.

44-cü dəqiqədə Barselonanın futbolçusu Kubarsi qırmızı vərəqə alaraq meydandan qovulub və komanda 10 nəfərlə qalıb. Cəmi bir dəqiqə sonra Xulian Alvares möhtəşəm cərimə zərbəsi ilə hesabı açaraq Atletiko Madridi fasiləyə üstün yola salıb.

İkinci hissədə təzyiqi artıran Barselona qol vurmaqda çətinlik çəkib. Oyuna sonradan daxil olan Sörloth isə 70-ci dəqiqədə fərqi artıraraq matçın yekun nəticəsini müəyyənləşdirib — 0-2.

Cavab oyunu 16 aprel tarixində Madriddə keçiriləcək.

DenMedia.az