Salah gedir: Liverpool-da bir era başa çatır

Misirli hücumçu Mohamed Salah 2025/26 mövsümünün sonunda Liverpool klubunu tərk edəcək. Bu barədə İngiltərə klubunun rəsmi saytında məlumat yayımlanıb.

33 yaşlı futbolçu 2017-ci ildə Romadan Liverpoola transfer olunub. O, klubun heyətində bütün turnirlər üzrə 435 oyuna çıxaraq 255 qol vurub və 119 məhsuldar ötürmə edib.

Mohamed Salah Liverpool forması ilə iki dəfə İngiltərə çempionu olub, həmçinin bir dəfə UEFA Champions League, FA Cup, UEFA Super Cup və Klublararası Dünya Çempionatının qalibi adını qazanıb.

Məlumata görə, futbolçunun şərəfinə xüsusi vida mərasimi daha sonra Liverpool stadionunda keçiriləcək.

DenMedia.az