İslam Maxaçev – "asan ov"? Makqreqordan sərt açıqlama

İrlandiyalı UFC döyüşçüsü Konor Makqreqor bildirib ki, rusiyalı idmançı İslam Maxaçev yarımorta çəki dərəcəsində uğur qazana bilməyəcək və “asan hədəfə çevriləcək.” DenMedia.az xəbər verir ki, bu barədə Sportskeeda xəbər verir.

“İslam yarımorta çəkidə asan ov olacaq. O, nə bitirici zərbə vurmaq qabiliyyətinə, nə də mövqeyini düzgün dəyərləndirmə anlayışına malikdir. Ən yaxşı halda, sadəcə rəqibin arxasından yapışmağa çalışacaq,” — deyə Makqreqor bildirib.

Maxaçev və Cek Maddalena arasında yarımorta çəki dərəcəsində döyüş 15 noyabr 2025-ci ildə Nyu-Yorkda, “Madison Square Garden” arenasında baş tutacaq.

Avstraliyalı Cek Maddalena hazırda UFC-nin yarımorta çəki üzrə çempionudur — o, 2025-ci il iyunun 11-də amerikalı Belal Məhəmmədə qalib gələrək titulu qazanmışdı (UFC 315 turniri).

İslam Maxaçev isə 2025-ci ildə yarımorta çəkiyə keçmək qərarı verib və bu səbəbdən yüngül çəki titulundan imtina edib. O, UFC 311 turnirində (19 yanvar 2025, Los-Anceles) braziliyalı Renato Moykano üzərində qələbə qazanaraq rekord sayda – dördüncü dəfə titulu müdafiə etmişdi. Döyüşün ortasında Maxaçev rəqibini yerə salaraq boğma fəndlə təslim olmağa məcbur etmişdi.