Filippində turistə qarşı zorakılıq: beş nəfər saxlanıldı

Filippində polis əcnəbi turistə qarşı seksual zorakılıqda şübhəli bilinən beş kişini saxlayıb. Bu barədə yerli Daily Tribune qəzeti məlumat yayıb.

Hadisə ölkə paytaxtı yaxınlığında, Luson adasında yerləşən Makati şəhərində baş verib. Məlumata görə, 23 yaşlı Kolumbiya vətəndaşı sıx ərazidə gəzərkən yerli sakinlər ona yaxınlaşıb və onu özləri ilə getməyə məcbur etməyə çalışıblar. Turist bundan imtina etdikdən sonra zorakılığa məruz qalıb.

Zərərçəkən dərhal polis patruluna müraciət edib. Bundan sonra şübhəlilər qısa müddətdə saxlanılıblar.

Hazırda iş üzrə araşdırmanı prokurorluq aparır. Zərərçəkənə bütün məhkəmə prosesi müddətində hüquqi dəstək göstəriləcəyi bildirilib.

Hakimiyyət turistləri bu cür hallarla üzləşdikdə dərhal ən yaxın polis bölməsinə müraciət etməyə çağırıb.

DenMedia.az