Türkiyədə təlim uçuşu faciə ilə nəticələndi

Türkiyədə Hərbi Hava Qüvvələrinə məxsus F-16 qırıcısı avtomagistrala düşüb. Bu barədə Anadolu Agency Türkiyə rəsmilərinə istinadən məlumat yayıb.

Məlumata görə, təyyarə Balıkəsir şəhərində yerləşən aviabazadan havaya qalxaraq planlı təlim uçuşu həyata keçirirmiş. Bir müddət sonra bortla radioəlaqə kəsilib və qırıcı İzmir–İstanbul avtomagistralına çırpılıb.

Qəza nəticəsində güclü partlayış baş verib və yanacaq alışaraq əraziyə yayılıb. Təyyarənin qalıqları bir neçə yüz metr radiusda səpələnib. Pilotun həlak olduğu bildirilir.

Hadisə yerində fövqəladə xidmətlər işləyir. Faktla bağlı araşdırma başlanıb.

DenMedia.az