Əmisinin hücumuna məruz qalan yeniyetmə artıq evdədir

Cəlilabadda əmisi tərəfindən baltalanan 14 yaşlı yeniyetmə xəstəxanadan evə buraxılıb.

DenMedia.az xəbər verir ki, bu barədə Cəlilabad Rayon Mərkəzi Xəstəxanasından bildirilib.

Məlumata görə, fevralın 1-i saat 17:00 radələrində xəsarət alması səbəbilə xəstəxananın Təcili tibbi yardım şöbəsinə hospitalizasiya olunan 2012-ci il təvəllüdlü (kişi) şəxə zəruri tibbi yardım göstərilib.O, fevralın 6-da ambulator müalicə üçün evə buraxılıb.

Xatırladaq ki, Cəlilabadda əmi 14 və 15 yaşlı qardaş-bacıya balta xəsarəti yetirib. Onlar Cəlilabad RMX-yə çatdırılsalar da, 2011-ci il təvəllüdlü Həqiqət Musa qızı Nağıyevanın həyatını xilas etmək mümkün olmayıb.

Hadisəni törətməkdə şübhəli bilinən 49 yaşlı Ə.Nağıyev saxlanılaraq istintaqa təhvil verilib. Daha sonra o, saxlanıldığı müəssisədə təkbaşına qaldığı kameradakı çarpayının 2-ci mərtəbəsindən bașı üstə özünü yerə atıb. Bundan sonra Respublika Neyrocərrahiyyə Xəstəxanasına yerləşdirilib və müalicə aldığı xəstəxanada ölüb.