Məşhur avropalı rejissor evində ölü tapıldı
saida
Tanınmış avropalı kinorejissor Juan Kanijunun cəsədi Portuqaliyanın Vila-Vizosa qəsəbəsi yaxınlığındakı evində aşkar edilib. Yerli KİV-in məlumatına görə, rejissoru ölü vəziyyətdə ev qulluqçusu tapıb.
68 yaşlı kinorejissorun ölüm səbəbi hələlik açıqlanmayıb.
Juan Kaniju ilk tammetrajlı filmini 1988-ci ildə çəkib. Onun yaradıcılığı əsasən ailə dramları, güclü qadın obrazları və Portuqaliya cəmiyyətinin sosial problemlərinə fokuslanıb.
Rejissorun “Qaranlıq cəngavər” adlı filmi — həyatını xilas etmək üçün qızını rus mafiyasına satan bir kişinin hekayəsindən bəhs edən ekran əsəri — “Ən yaxşı xarici dildə film” nominasiyası üzrə “Oskar” mükafatına namizəd göstərilib.
2023-cü ildə Kaniju “Pis həyat” filminə görə Berlin Beynəlxalq Film Festivalında “Gümüş Ayı” mükafatına layiq görülüb.
O, həmçinin teatr rejissoru kimi fəaliyyət göstərib, Devid Mamet və Yucin O’Nilin əsərlərini səhnələşdirib. Ölümündən əvvəl rejissor son filmi olan “Encenaçao” üzərində işi tamamlayırdı və təxminən iki həftə əvvəl bu filmlə bağlı teatr tamaşasının çəkilişlərini aparmışdı.
