Sebu faciəsi dərinləşir: xilasedicilər ümidini itirmir

Filippinin mərkəzində yerləşən Sebu şəhərində zibil poliqonunda baş verən torpaq sürüşməsi nəticəsində həlak olanların sayı 10 nəfərə çatıb, 26 nəfər isə itkin düşmüş hesab olunur. Bu barədə ABS-CBN News məlumat yayıb.

Məlumata görə, axtarış-xilasetmə əməliyyatı davam edir. Əməliyyata 300-dən çox xilasedici cəlb olunub, onlara Filippin Hərbi Dəniz Qüvvələrinin hərbçiləri də qoşulub.

Qeyd edək ki, Sebu şəhərindəki zibil poliqonunda torpaq sürüşməsi 8 yanvar tarixində baş verib. Hadisədən sonra ilk saatlarda dağıntılar altından 12 nəfər sağ çıxarılaraq xəstəxanaya yerləşdirilib.

Denmedia.az