Yaşma yolunda avtomobil piyadanı vuraraq öldürüb-FOTOLAR

Sumqayıtda piyada ölümü ilə nəticələnən yol-nəqliyyat hadisəsi baş verib.

Denmedia.az xəbər verir ki, Bakı–Quba yolunun Yaşma Bağları yaşayış massivindən keçən hissəsində ağır yol-nəqliyyat hadisəsi qeydə alınıb.

İlkin məlumata görə, yük avtomobili yolu keçən piyadanı vurub. Zərbənin təsirindən piyada hadisə yerindəcə dünyasını dəyişib.

Hadisə ilə bağlı əraziyə polis və təcili yardım əməkdaşları cəlb olunub.

Hazırda ölən şəxsin kimliyi müəyyənləşdirilir.

Faktla bağlı araşdırma aparılır.