Qvatemalada 5,8 bal gücündə zəlzələ qeydə alındı
saida
Qvatemalada 5,8 bal gücündə zəlzələ baş verib. Bu barədə Avropa-Aralıq dənizi Seysmologiya Mərkəzi (EMSC) məlumat yayıb.
Bildirilir ki, zəlzələnin episentri Meksikanın Tapaçula şəhərindən 46 km şimalda, Takana şəhərindən isə 6 km şimal-qərbdə yerləşib. Ocağın dərinliyi 140 km olub.
Seysmoloqlar bildirirlər ki, sunami təhlükəsi elan edilməyib və dağıntı və xəsarət alanlar barədə məlumat yoxdur.
27 noyabrda Alyaskada da 6,0 bal gücündə zəlzələ qeydə alınmışdı.
Yeraltı təkanlar UTC üzrə 17:11-də, Susitna yaşayış məntəqəsindən 12 km şimal-qərbdə müşahidə olunub. Ocağın dərinliyi 69,4 km təşkil edib. Sunami təhlükəsi elan olunmayıb, dağıntı və itkilər barədə məlumat daxil olmayıb.
