Dağıstanda faciə — “KEMZ” helikopteri qəzaya uğradı, dörd nəfər öldü
saida
Dağıstanda “KEMZ” şirkətinə məxsus şəxsi helikopter qəzaya uğrayıb — dörd nəfər ölüb, üçü ağır yaralanıb
Dağıstanın Fövqəladə Hallar Nazirliyinin məlumatına görə, “Kizlyar Elektromexanika Zavodu”na (KEMZ) məxsus şəxsi helikopter Kizlyardan İzberbaşa uçarkən qəzaya uğrayıb.
Respublikanın səhiyyə naziri Yaroslav Qlazovun sözlərinə görə, dörd nəfər həlak olub, üç nəfər isə ağır vəziyyətdədir.
“KEMZ helikopteri Açi-su yaşayış məntəqəsi yaxınlığında qəzaya düşüb. Nəticədə dörd nəfər ölüb, birinin vəziyyəti son dərəcə ağır, ikisinin vəziyyəti isə ağırdır,” — deyə nazir bildirib.
İlkin versiyaya görə, qəzanın səbəbi texniki nasazlıq ola bilər. Hadisə yerində operativ xidmətlər işləyir, yanğın 80 kvadratmetr sahədə lokallaşdırılıb.
